Nagpatigayon ang Regional Explosives and Canine Unit – Negros Island Region (RECU NIR) sang Render Safe Procedure (RSP) matapos marekober ang isa ka unexploded ordnance (UXO) sa Barangay Matab-ang, Talisay City, Negros Occidental, sang Miyerkules sang hapon, Hulyo 22.
Nabaton ang report alas-2:30 ang takna sang hapon nga ginrespondehan gilayon sang EOD team kaupod ang Talisay City City Police Station (CCPS), nga ginpangunahan ni Police Lt. Col. Salvador M. Trono Jr., agud masiguro ang kaluwasan sang komunidad.
Ang operasyon ginpangunahan ni Police Captain Alberto S. Sardua Jr., EOD Team Leader, kaupod sanday PSMS Reagan F. Gadia, PSMS Jesus A. Villanueva, PSSg Jecel C. Tuanzon, kag PSSg Rex B. Totol, EOD Technician kag EDD Handler, sa idalom sang superbisyon ni PMAJ Hurdan D. Bacalangco, Officer-in-Charge sang RECU NIR.
Suno sa imbestigasyon, ang nasambit nga bomba ang aksidente nga nabungkal ni Raffy Aldiano y Habanero, isa ka backhoe operator, samtang nagakutkot sang duta sa kilid sang suba para sa flood control project.
Ang narekober nga explosive ang natumod nga isa ka M47, 100-pound White Phosphorus (WP) corroded kag nagapagwa na sang puti nga aso.
Matapos ang RSP, gindala ini Talisay City Dumping Site sa Barangay Concepcion, Talisay City, samtang ginahulat ang final disposal santo ginapatuman nga EOD safety protocols.
