Kumpirmado na nga madayon ang bout nanday Manny Pacquiao kag American professional boxer Mario Barrios.
Gindeklarar sang 46 anyos nga filipino boxer nga magabalik ini sa ring sa Hulyo 19 sa match batok kay WBC Welterweight Champion Mario Barrios sa MGM Grand sa Las Vegas.
Siya ang magahimo sang professional comeback matapos ang kapin sa apat ka tuig kasunod sa pagkapierde sini kay Yordenis Ugas sang Cuba.
Nakaligad lang man liwat nga nag-reunite si Pacquiao sa iya former trainer nga si Freddie Roach kag cornerman Buboy Fernandez para sa preparasyon sa iya upcoming fight.
Nagconduct sila sang full-scale skills and fitness assessment sa eight-division world champion nga ginalakipan sang drills testing speed, reflexes, endurance, kag ring movement.
Suno kay Fernandez, nagpabilin nga ‘sharp’ si Pacquiao apisar sa apat ka tuig nga break sa sport.
