Luyag sang BS Chemistry student sa Negros Occidental nga ipahibalo sa iban nga mga tawo ang balatyagon sang nagapalaom ukon nagapaasa gani ginsulat sini ang ambahanon nga “Para sa Umaasa” nga nangin semifinalist sa 3rd Bombo Music Festival.
Ang 21-anyos nga si Rhett Adrian Ceduco sang EB Magalona, Negros Occidental ang manug-graduate na sa BS Chemistry sa University of the Philippines Visayas sa Miagao, Iloilo.
Suno diri, naghagaray sila sang iya abyan nga taga-La Carlota City nga magpasakop sa Bombo Music Festival bangud madugay na nila nabatian apang wala sang tiempo sadto nga magsulat kag magrecord sang composition.
Si Ceduco ang mahiligon magkanta sa simbahan, nagapasakop man sa singing competition kag kabahin man sa karon sang UPV Chorale.
Suno diri, nagasulat siya sang random nga mga kanta apang masami gid ini nga nagapasakop sa mga kompetisyon.
Ang “Para sa Umaasa” suno kay Ceduco ang point of view sang tawo nga paasa bangud kalabanan sa karon nga mga ambahanon ang naga-igo sa mga tawo nga paasa.
Ang amo nga kanta ang ginsulat ni Ceduco isa na ka tuig ang nakaligad kag isa ini ka a cappella ukon wala sang anuman nga musical instrument nga accompaniment.
Nagpanugyan naman ini sa mga may abilidad magdihon sang kanta nga padayunon lang ang passion bangud magaabot ang tion nga matalupangdan gid ini.
