Nagrequest sang bag-o nga body camera ang Bacolod Traffic and Transport Management Department (BTTMD) para sa mga traffic enforcers.
Madumduman nga may budget nga P89,000 ang pagbakal sang 250 ka body cameras apang ang nabakal may yara sang manubo nga battery life nga tubtob lang sa isa ka oras.
Suno kay Bacolod City Mayor Alfredo ‘Albee’ Benitez, mas maayo nga may body cameras ang front liners kaangay sang traffic enforcers agud mamontor ang ila trabaho nga kun may matabo man, mas mahapos makit-an, mahatagan sang tikang kag maimbestigaran kag indi nga hambal-hambal lamang nga wala sang pruweba.
Suno diri, indi man mauyangan ang mga nabakal na nga body cameras bangod ini ang mahimo pa magamit sang kapulisan, Disaster Risk Reduction and Management Office, Bureau of Fire Protection kag iban pa.
