Ginkumpirmar sang Negros Occidental Provincial Administrator nga nag-abot na ang budget para sa solarization project sang Teresita Lopez Jalandoni Provincial Hospital (TLJPH) sa Silay City.
Sa interview kay Atty. Rayfrando Diaz, gin-aprubahan na sang national government ang P171 million nga Local Government Support Fund para sa probinsya.
Suno kay Diaz, ang pondo ang yara na sa account sang probinsya kag magaumpisa na sila sang procurement process.
Gina-finalize pa sa karun ang mga listahan sang proyekto apang ginhatagan nila sang prayoridad ang solarization project sang TLJPH.
Suno diri sa tion nga makabalik ang gobernador nga naka-on leave sa karun ang dokyumento para sa procurement sang kinahanglanon sa nasambit nga proyekto.
Samtang, natalana naman nga matapos na ang solarization project sa Cybercenter kag ginahulat nalang nga maislan ang roofing.
Nahibaluan nga ang nasambit nga solarization project sa provincial hospital ang ikalima na sa probinsya sa idalom sang nasambit nga proyekto.
