Mga Ka Bombo, magasugod na ang Buena Mano Salvo Promo 2026 sang Bombo Radyo kag Star FM subong nga tuig.
Ginpangunahan sang Station Manager sang Bombo Radyo Bacolod nga si Bombo Daniel Lecciones ang paglunsyar sang nasambit nga promo kaina sang aga./
Kabug-usan nga P8.5 million worth of prizes ang ipanagtag nationwide.
Magbakal kag magtipon na sang mga kinahanglan nga proofs of purchase.
Maghimo sang mga entries gamit ang mga masunod nga mga proofs of purchase: R Florete Pawnshop and Jewelry, Maxi Care, Syngenta, Epoxy, Orocan, Mang Juan, Mr. Chips, kag Chippy.
Ibutang ini sa isa ka puti nga sobre kag sa gwa sang sobre isulat ang mga masunod nga mga detalye: pangalan, complete address, edad, pirma, contact number, week number, name of Proof of Purchase nga ginlakip, Title sang Promo – Buena mano Salvo Promo 2026 c/o Bombo Radyo Bacolod – 2nd Floor, CBS Development Corporation Building, Lacson Street, Mandalagan, Bacolod City.
Siguraduhon nga kumpleto kag husto ang mga detalye agud indi ini madisqualify.
Maghimo na sang madamo nga entries kag ihulog diri sa Bombo Radyo Lobby, ukon sa pinakamalapit nga mga drop box centers.
Lunes tubtob Biyernes, may yara sang duha ka magadaug sang mga masunod: P1000 cash kag P1000 worth of gift pack.
May pilion man nga isa ka special winner sang P500 cash kag Bombo Radyo Exclusive AM/FM transistor radio.
Hatagan sang 24 oras ang tagdaug agud ma-claim ang premyo.
Dapat kada winner magpresent gid sang duha ka valid IDs.
Kun indi makaabot sa sulod sang 24 oras, iga-forfeit ang premyo kag magabunot sang bag-o nga tagdaug.
Magluwas sa adlaw-adlaw nga pagpanghatag sang papremyo sa studio sang Bombo Radyo Bacolod, may kasadyahan kag dugang man nga mga papremyo nga ipanghatag sa mga kabarangayan.
Kada Sabado, magakadto ang Bombo Radyo Team sa mga Kabarangayan.
Sa mga kabombo sa barangay, napulo ang magadaug sang tag 1,000 pesos cash sa draw nga patigayunon.
Sa Regional prize para sa apat ka area; NCR, Luzon, Visayas kag Mindanao, isa ang winner sang P50,000 cash kag sa Grand Draw prize, may yara sang isa ka winner para sa P1 million.
Ang Grand draw ang patigayunon sa Mayo 9, 2026.
