Nagapabilin sa alert level 2 ang status sang Bulkan Kanlaon apisar sang mga ash emissions sang tinalikdan nga adlaw.
Sa interview sang Bombo Radyo Bacolod kay Philippine Institute of Volcanology and Seismology (PHIVOLCS) Director Teresito Bacolcol, sa sulod sang 12 oras ang Bulkan Kanlaon ang may ara sang 19 volcanic earthquakes, tatlo ka ash emissions activity kag ang plumes ang yara lang sa 100 meters.
Gin-athag man sini nga ang nagabaga sa baba sang Bulkan Kanlaon sang nagpatigayon ini sang minor erruption ang indi lava.
Sa karun padayon ang pagpanugyan sini sa tanan nga local government unit nga mag-aligmat ilabi na sa pag-evacuate sang mga pumuluyo nga nagapuyo sa 4-6 kilometers danger zone sang Bulkan Kanlaon.
Sa tion nga may ashfall mag suksok sang facemask kag kun mahimo mapabilin nalang sa sulod sang balay.
Hugot sagihapon nga ginadumilian ang pasulod sa 4 kilometers permanent danger zone.
