Masobra walo ka oras ang ginpatigayon nga ash emission ang bulkan Kanlaon humalin sang Miyerkules tubtob kahapon.
Sa interview sang Bombo Radyo Bacolod kay Engineer Mari Andylene Quintia, Resident Volcanologist sang Kanlaon Volcano Observatory, duha ka ash emission ang nagluntad kun sa diin una nga narekord ang malawig nga pagbuga sang abo sang Miyerkules pasado alas- 3:00 sang hapon tubtob alas- 9:00 sang gab-i.
Ang ash emission nagdugay sang anum ka oras kag 21 ka minutos.
Apang, ini ginsudan sang ash emission pasado alas- 11:00 sang gab-i tubtob ala- 1:00 kahapon sang kaagahon kun sa diin naglawig ini sang isa ka oras kag 48 minutos.
Suno kay Quintia, lauman nga may yara pa sang liwat nga pagluntad sang ash emission samtang nagapabilin nga yara sa alert level 2 ang status sang bulkan.
Suno diri, indi mahibaloan kun san-o matabo ang paglupok sang bulkan apang padayon ang monitoring sang PHIVOLCS.
Pahayag ni Quintia, posible magsaka sa alert level 3 ang status sang bulkan kag palaparon man ang danger zone sa palibot sang bulkan Kanlaon.
