Ginpahayag sang Chief Executive Officer sa Metro Bacolod Chamber of Commerce and Industry (MBCCI) nga dapat siguhuron sang gobyerno nga may yara sang nagakaigo nga food supply ukon ginproduce nga pagkaon antes ang pag-export.
Sa interview sang Bombo Radyo Bacolod kay Frank Carbon, indi dapat ang exportation sang produkto ang paminsaron sa karun kundi kun paano magdamo ang ginaproduce nga pagkaon sang pungsod.
Suno diri ang pungsod ang magaexport lamang kung may yara na sang sobra nga ginproduce nga pagkaon.
Suno kay Carbon, indi mahimo nga nagaexport pa sang produkto samtang wala sang na sang ginakaon ang mga tawo sa pungsod.
Gani nagakadapat lamang nga ibutang nga magpamuno sa Department of Agriculture kag iban pa nga ahensya sang gobyerno amo ang professional business individuals ukon mga wise men nga nakahibalo sang pagpalakat sang negosyo.
Para kay Carbon, dapat indi nagikan sa academe ang pagakuhaon agud magpamuno sa mga ahensya sang gobyerno kaangay sang Department of Agriculture bangud familiar ang mga ini sa theories kag ginpahayag sang negosyante nga ang nagikan sa academe ang indi familiar sa proseso kun paano makalab-ot ang ginproduce nga produkto halin sa farm padulong sa lamesa sang mga konsumidor kag
Ginalantaw man sang mga negosyante nga ang agrifood sector ang magasalbar sa ekonomiya sang pungsod sa tion nga may proper managament ini.
Sa pihak nga bahin, dapat man mahimuan sang gobyerno sang paagi ang pagpahapos sa pagproseso sang mga papeles antes makakuha sang business permits ukon ang ginatawag ease of doing business agud nga mas madamo ang mga investors kag magadamo ang trabaho nga makapahagan-hagan sang kapigaduhon.
