Balik na sa normal ang tanan nga byahe sang barko pasulod kag paggwa sa probinsya sang Negros Occidental kasunod sa kanselasyon sang byahe sa paglabay sang Bagyo BASYANG.
Sa interview sang Bombo Radyo kay Commander Artzell Anacan, commander sang Coast Guard Northern Negros Occidental, 519 ka mga pasahero sa northern Negros ang wala natigayon makabyahe sang Biyernes bangod sa bagyo.// Suno diri, 30 ka roro vessels kag 267 ka rolling cargoes ang wala nakabyahe.
Sa BREDCO port may yara sang 219 ka stranded passengers nga gindala sa evacuation centers samtang ginahulat nga mabatak na ang kanselasyon.
Santo sa ila report ang pinakamadamo nga pasahero nga stranded ang may byahe padulong sa Cebu kag Iloilo.
Kahapon alas- 5:00 sang aga, nagresume na ang byahe sa tanan nga pantalan.
Samtang, nagpatigayon man sang pag-evacuate sa mga pumuluyo ang PCG sa northern Negros sa bahin sang San Carlos City, Calatrava, Escalante City, kag EB Magalona.
Samtang sa southern portion naman sang porbinsya, nagbulig ang PCG sa pag-evacuate sa mga pumuluyo sang Hinigaran, La Castellana, Moises Padilla, Isabela, Cauayan, Hinobaan kag Himamaylan City.
