Magalunsyar na subong nga adlaw sang ila tagsa-tagsa ka campaigns ang mga kandidato nga magapapili para sa national posts paagi sa proclamation rallies, motorcades kag political pitches.
Masami nga ginatawag nga isa ka referendum sa incumbent administration kag direction sang pungsod, ang May 12 elections ang maga-eleher sang masobra 18,000 ka mga posts nationwide.
Sa idalum sang mga pagsulundan sang Commission on Election (Comelec), ang campaign period para sa national candidates nga ginalakipan sang mga senador kag party list groups ang magasugod sa Pebrero 11.
Ang campaign period para sa local positions ang magasugod sa Marso 28 tubtob Mayo 10.
Kabug-usan nga 75,940,535 Filipinos ang eligible nga magboto, mas mataas sang kapin 10 million registered voters kun ikumparar sang 2022 elections.
