Gincancel sang Canada ang biyahe sa south sang border, ginboycott ang U.S alcohol kag iban nga mga produkto kag wala ginsuportahan ang mga sporting events matapos nga gin-anunsyar ni U.S President Donald Trump ang 25 percent nga taripa sa kalabanan nga produkto nagikan sa Canada.
Ginkakibot man sang madamo nga Canadians ang announcement sang US President apisar nga nagpangako na si Trump nga magpatuman sang taripa sa Canada kag Mexico antes ang pagpungko sini sa opisina.
Gilayon man nga nag-anunsyar si Prime Minister Justin Trudeau sang Canada sang retaliatory tariffs nga 155 billion Canadian Dollars ukon 107 billion US Dollars sang U.S. goods.
Suno kay Trudeau, ipatuman sa Martes ang 30 Canadian Dollars sa Martes pareho nga adlaw kun sa diin kalabanan sang pagpatuman sang tapira ni Trump kag ang nabilin nga 125 Canadian Dollars ang ipatuman sa 21 ka adlaw.
Gin-enganyo man ni Trudeau ang mga Canadian nga magbakal sang local kag magbakasyon sa Canada kun sa diin ang sentimento nga ginapabutyag sang madamo nga local nga mga opisyales.
