Ginhingadlan ni Pope Leo XIV sanday Cardinal Luis Antonio Tagle kag San Pablo Bishop Marcelino Maralit bilang miyembro sang Dicastery for Communications sang Vatican.
Lakip man sa gin-appoint ang pinoy nga Arsobispo nga si Archbishop Ryan Jimenez sang Agania, Guam.
Ang Dicastery for Communication amo ang central office sang Holy See nga amo ang nagadumala sang Vatican media, press relations kag digital communications operations.
Si Tagle amo subong ang pro-prefect sang Dicastery for Evangelization, Section for First Evangelization kag New Particular Churches.
Samtang si Maralit ang presidente sang Office of Social Communications sang Federation of Asian Bishops’ Conferences.
Ini na ang ika-walo nga dicastery kun sa diin myembro si Tagle magluwas sa Dicastery for Evangelization.
