Gintanyag sang Miss Universe 2018 nga si Catriona Gray, ang rason sang break up nila sang iya anay fiancé nga si Sam Milby.
Suno kay Catriona, tuman ang kasakit nga iya nabatyagan sang iya nahibaluan nga indi pa handa si Sam nga magpakasal.
Ginpahayag sang beauty queen nga may yara tion sa ila nga pag-updanay nga nakita niya nga may pagpangduha-duha si Sam nga mag-settle.
Sa sulod sang apat ka tuig nga sila magkarelasyon, nag-abot ang adlaw nga nagprangka ang aktor nga indi pa ini handa sa mas madalom nga commitment.
Suno kay Catriona, ginhimo niya ang tanan agud mapabakod ang ila relasyon bangud tuman niya kapalangga si Sam apang nag-abot sa tion nga wala na sang ginalauman pa ang beauty queen kag nagdesisyon na lamang nga tuldokan na ang ila nga apat ka tuig nga pag-inupdanay.
Suno diri, nagalaum ini nga magpakasal, magkapamilya kag mangin iloy gani gusto niya nga makapangita sang partner nga pareho man ang handom.
