Nagapakatig-a ang China nga illegal kag indi valid ang 2016 Arbitral Award nga nagbasura sang claims sini sa ginaagawan nga kadagatan kag ginpabakod ang sovereign rights kag jurisdiction sang Pilipinas sa exclusive economic zone.
Sa statement sang spokesperson para sa Chinese Embassy kahapon sa Manila, gintawag sang embahada ang arbitral award bilang isa ka political circus nga gina-alegar nga nagatindog bilang isa ka legal nga tikang.
Nagapanindugan man ang embahada nga wala ginakilala kag indi pagbatunon bisan san-o ang nasambit nga award.
Sa baylo, gin-engganyo sini ang Pilipinas nga respetuhon ang commitments sini, untaton ang paghype sa gintawag sini nga illegal award kag magbalik sa husto nga banas sang bilateral negotiation agud nga makay-o ang indi pag-instindihanay
Samtang, kadungan naman sang selebrasyon sang ikawalo nga anibersaryo sang makasaysayan nga kadalag-an sang Pilipinas sa arbitration case laban sa China, ginpabakod sang gobyerno sang iban nga pungsod paagi sa ila nga mga ambassadors ang ila nga suporta sa gin-award nga arbitral award sa Pilipinas bilang final kag legally binding.
