Clearing activity sa volcanic materials sa Sitio Tamburong, Brgy Biak na Bato, La Castellana, gin-umpisahan na

Gin-umpisahan na ang clearing activity sa Ibid creek sa Sitio Tamburong, Brgy Biak na Bato, La Castellana, Negros Occidental.

Suno kay Negros Occidental Provincial Administrator Atty Rayfrando Diaz, clearing activity ang ginpatigayon sa creek kag indi dredging.

Suno diri, duha ka backhoe ang gingamit kag may yara sang P1 million nga budget nga gintalana para sa fuel sang mga equipment.

May yara sang tanke nga ginabutangan sang 4,000 liters sang fuel kag ini sige-sige nga pondohan.

Pahayag ni Diaz, padayonon ang clearing activity tubtob nga malab-ot ang 30 feet nga kadalumon sang creek.

Ang volcanic materials naman nga nakuha igatransport sa compound sang Department of Environment and Natural Resources (DENR) para sa safekeeping.