COMELEC, nakarecord na sang masobra isa ka milyon nga voter’s registrant para sa Brgy and SK Elections

Ginpahayag sang Commission on Elections (Comelec) nga nakalab-ot na sa one million ang numero sang mga nakaparehistro para sa barangay and sangguniang kabataan elections (BSKE).

Sa data sang Comelec, 1,001,970 individuals nationwide ang nakaparehistro na sa nagligad nga lima ka adlaw kag nalab-ot na ang target para sa 10-day registration period.

Suno kay Comelec Chairman George Garcia, kinahanglan nila nga panason ang pila ka mga duplicates nagikan sa data sa Central Luzon kahapon, nga nagdangat sa masobra 200,000.

Bangud diri, ginpahayag sini nga target na nila nga makaangkon sang 1.5 million applications para sa voters’ registration sa Agosto 10.