Ginpasalamatan ni Commission on Elections- Negros Island Region Director Atty Lionel Marco Castillano nga mataas ang voter turnout sa rehiyon sa natapos lang nga May 12 National and Local Elections.
Suno kay Castillano, nabalik na sa warehouses ang Automated Counting Machines kag ini ang i-transport pabalik na sa Manila kag matapos ang inventory, ini ang ibalik naman sa provider.
Suno diri, may yara lang sang mga minor problems sa mga ACMs pero wala man ini sang dako nga epekto sa eleksyon.
Kaangay na lamang sa ciudad sang Dumaguete, Negros Oriental kun sa diin ang settings sang ACM nabutang sa ballot scan, kag sa tion nga may yara sang ireject nga ballot nga liwat ginbalik, madoble ang naisip nga ballot apang nagpasalig ini nga wala sang pagbag-o sa resulta sa naisip nga boto kag wala sang dinayaay nga natabo.
Kun may yara naman sang luyag nga magpa-manual counting, dapat may yara sang mafile sang protest kag ang nagfile ang magabayad para sa manual counting bangod wala sang budget para diri ang COMELEC.
Apang, suno kay Castillano may yara man sang random manual audit nga gina-umpisahan na sa karun kag ini ang bukas nga ipakita sa publiko.
Sa bahin naman sang Oplan Baklas, pahayag sini, ang mga campaign posters nga yara sa gwa sang common posters areas ang dapat kakson sang kandidato bangod kun indi, sila sa COMELEC ang makuha kag multahan ang kandidato.
