Nakahanda na ang Commission on Elecions-Negros Island Region (COMELEC-NIR) sa liwat nga pagsugod sang voters registration sang Commission on Elections para sa May 2028 National and Local Elections nga magaumpisa sa Nobyembre 10 tubtob Hulyo 30, 2027.
Sa interview kay COMELEC NIR Director Atty. Lionel Marco Castillano, regular voters lamang ang sakop sang amo nga registration kag wala malakip ang Sangguniang Kabataan.
Suno kay Casillano kasunod sang four-day workweek, patigayunon ang registration halin Martes tubtob Sabado.
Wala sang registration kada Lunes bangud sa work-from-home arrangement sang Comelec samtang wala naman sang opisina kada Domingo.
Ang Comelec magabaton sang bag-o nga mga registrants para sa mga regular voters para sa 2028 National kag Local Elections sa diin indi kalakip diri ang Sangguniang Kabataan.
Ginapahanumdom ni Castillano sa mga pumuluyo, indi na kinahanglan magpa-rehistro pa ang nakapa-rehistro na sa mga nakaligad nga rehistrasyon sang Comelec kun sa diin ang pagabatunon sa karun ang mga bag-o, magasaylo sa iban nga lugar, kag ang mga wala nakaboto sa nakaligad nga duha ka mga nagligad nga piniliay.
Nagpahanumdom man ini nga magdala sang valid ID kag birth certificates sa mga under 18 nga registrants.
