BACOLOD CITY – Nagahinyo ang Commission on Elections (Comelec) sa Kongreso nga magdesisyon sa postponement sang barangay elections 60 ka adlaw antes ang gintalana nga schedule sa Oktubre 23.
Sa exclusive interview sang Bombo Radyo Bacolod kay Comelec Commissioner Rowena Guanzon, ginpahayag sini nga dapat makapasar sang layi ang Kongreso tuhoy sa liwat nga pag-postpone sang eleksyon sa Agusto 15 ukon mas temprano pa diri.
Tinutuyo sini nga indi mauyang ang balota nga iga-imprinta sang Comelec bangud temprano pa suno kay Guanzon ang bidding nga patigayunon sang ahensya.
Bangud sini, may yara pa sang lima ka bulan ang Kamara kag ang Senado agud magdihon sang layi nga ipaiway ang binotohay kay ibutang sa probisyon sini nga maga-appoint si Presidente Rodrigo Duterte sang officer-in-charge sa mga incumbent punong barangay nga yara sa hold-over capacity.
Mahimo man suno sa iya nga hatagan sang gahom ang Department of Interior and Local Government nga magabutang sang mga opisyal sang barangay.
