Preparado na ang Commission on Elections sa pag-umpisa sang election period kaina, alas- 12:01 sang kaagahon, Enero 12 tubtob sa Hunyo 11 para sa May 12 elections.
Nagpatigayon sang Provincial Joint Security Control Center Conference kaupod ang probinsya sang Negros Occidental, Philippine National Police, Armed Forces of the Philippines kag COMELEC.
Kasubong man nga may ginpatigayon nga Regional Joint Security Control Center Conference, kaupod ang mga probinsya sa Negros Island Region.// Suno kay Commission on Elections (COMELEC) – NIR Director Atty Lionel Marco Castillano, wala sang may ginpadangat sa iya nga concerns gikan sa PNP, Local Government Units, kag COMELEC officers.
Suno diri, kadungan sa election period ang pag-umpisa man sang pagpatuman sang checkpoints kag gunban sa bug-os nga Pilipinas.
Subong nga aga, alas- 8:00 sang aga, may ceremonial program nga patigayunon sa mga checkpoints kaupod ang COMELEC officers.
Sa lista sang areas of concern sa pungsod, 32 ka LGU’s nga yara sa red category kun nalakip diri ang banwa sang Calinog sa probinsya sang Iloilo.
177 ang yara sa orange categrory, kag siyam diri ka LGU’s ang yara sa Western Visayas nga ginalakipan sang Badiangan, Janiuay, Leon, Maasin, San Joaquin, Tapaz, Calatrava, Cauayan, kag Sipalay City.
Sa yellow category, may 188 ka LGU’s nga nalakip kag sa bahin sang Western Visayas may yara sang pito nga amo ang Ajuy, Lemery, President Roxas, San Dionesio, San Enrique, kag Tobias Fornier Dao.
