Ginpahayag sang isa ka commuter nga ang isa tubtob ka piso nga saka sa pletehan ang kulang pa sa ginsaka sa produktong petrolyo.
Sa interview sang Bombo Radyo Bacolod kay alyas Dodong, para sa iya indi makabawi ang gin-aprubahan nga saka sa pamasahe sa asod-asod nga pagsaka sang gatong.
Suno diri, dapat ang Land Transportation Franchising and Regulatory Board (LTFRB) ang magbinag-binag kun pila ang ipasaka sa pamasahe nga makabawi man sa ginsaka sa presyo sang gatong agud indi man matam-an ang driver sang jeep.
Dugang pa sini nga wala na sang ibayad ang mga jeepney drivers sa arkila kun namierdihan na sila sa presyo pa lang sang gatong.
Nagakahangawa ini para sa mga estudyante kag iban pa nga commuters inkaso nga wala na sang magabyahe sang jeep bangod sila ang mapierde sa pagbyahe.
Suno diri, isa man siya ka commuter gani nakahibalo man ini nga mabudlayan man ang kaangay niya nga commuters sa dugang nga plete.
