Nagtambong si Cavite 4th district Rep. Francisco “Kiko” Barzaga sa anti-administration rally nga iya ginpatawag sa Forbes Park Village sa Makati City sang Domingo sang gab-i, Oktubre 12, pila ka oras antes ang natalana nga paghinun-anon sang iya mga kaupdanan sa Kongreso kun nagakadapat bala ini nga magbaton sang konsekwensya bangud sa iya pagginawi.
Si Barzaga, nga ginhingadlan ang kaugalingon bilang “congressmeow”, ang nag-abot sa Buendia gate kapin alas 11:30 sang gab-i.
Natalana ang 27-anyos nga mamalidha nga makigbahin sa isa ka hearing sang Committee on Ethics and Privileges alas 9:00 subong nga aga sa House of Representatives.
Makit-an sa mga placards sang mga protesters ang mga tinaga nga nagapanawagan sang resignation ni President Ferdinand Marcos Jr.
May mga presensya naman sang kapulisan sa lugar kag nagpadulong man sa area si Department of the Interior and Local Government (DILG) Secretary Jonvic Remulla.
Pasado alas 12:00 sang kaagahon, nagpost si Barzaga sa iya Facebook page sang mga tinaga nga, “Good job tonight, see you again soon!.”
