Natalana sa bulan sang Agosto ang coronation night sang Miss Grand Philippines 2025.
Gin-anunsiyar sang pageant organization nga ang grand finals ang natalana sa alas-7:00 ang takna sang gab-i sa Agosto 12 sa SM Mall of Asia Arena.
Wala ginpahibalo sa publiko ang ticketing details apang mangin available ini sa SM Ticketing website.
Ang event ang ipagwa man sa official YouTube channel sang GrandPhTV.
Isa sa mga kandidata amo si Emma Tiglao nga representative sang Pampanga.
Nag-compete ini sang nagligad sa Miss Intercontinental 2019 sa Egypt kun sa diin, nagtapos sia bilang top 20 semifinalist.
Ang reigning Miss Grand International queen amo si CJ Opieza nagikan sa Pilipinas.
Nag-take over sia sa titulo isa ka semana matapos nag-resign si Rachel Gupta sang India.
