Nagapanguna nga prayoridad sang newly-installed director sang Bacolod City Police Office (BCPO) ang kampanya kontra sa illegal nga druga.
Sa interview sang Bombo Radyo kay Police Col. Joeresty Coronica, nangin prayoridad na sini ang pagkontra sa illegal nga druga sang siya ang nangin director man sang Iloilo City Police Office kag ini ang iya padayunon sa ciudad sang Bacolod.
Suno diri, kun maayo ang nangin trabaho sini sa iban nga ciudad mas tinguhaan pa gid sini ang iya trabaho diri- ang lugar kun diin ini nagapuyo.
Dugang pa sini, kalabanan sa mga krimen nga nagluntad amo ang resulta sang ilegall nga druga.
Nagapati si Coronica nga madamo sang malikawan nga krimen kun mauntat ang paglapta sang illegal nga druga sa ciudad.
Luyag man sini nga malikawan ang isyu sang hulidap nga makaguba sang imahe sang kapulisan.
