Gin-athag sang convenor sang Amlig Tubig nga wala sang pagbag-o sa kontrata kag sa Joint Venture Agreement sa tunga sang Primewater kag Bacolod City Water District bisan nga may bag-o na nga nagapanag-iya sang Primewater.
Sa interview sang Bombo Radyo Bacolod kay Councilor Wilson Jun Gamboa, may pagbag-o lamang sa share sang stocks kag pagbaylohanay sang management apang wala sang pagbag-o sa kontrata kag JVA.
Suno diri, madugay na sini nga ginaduso nga ang problema yara sa kontrata kun sa diin nagapinagusto ang Primewater sa pagkawat sa tawo bisan nga indi mapuslan ang ila serbisyo.
Pahayag ni Gamboa, luyag gid nila nga ma-nullify ang kontrata bangod secondary na lamang nga problema kun sin-o man ang nagapanag-iya.
Sa karun, suno sa konsehal, pabay-an na lang anay ang BACIWA nga magtake over samtang nagapabaya ang Primewater bangod wala pa man sang may nakita nga nahuman na ang transaciton sa baligya-anay kag baklanay kag samtang nagahulat, padayon lamang anay ang pagkawat sang kwarta sa mga tawo.
