Nagnubo ang mga nagluntad nga krimen sa probinsya sang Negros Occidental subong nga tuig kumparar sang tinalikdan nga tuig santo report sang Negros Occidental Police Provincial Office (NOCPPO).
Sa interview sang Bombo Radyo Bacolod kay Negros Occidental Police Provincial Office Director Police Col. Rainero De Chavez, ang pagnubo sang pagluntad sang kriminalidad sa probinsya ang bangud sa pagbuligay sang mga kapulisan sa pagpatuman sang mga layi kag kooperasyon sang komunidad kag sa bulig man sang mga media entities.
Suno kay De Chavez, may yara man sila sang ginpatuman nga best practices sa pagpahagan-hagan sa pagluntad sang krimen sa probinsya.
Suno diri ang tanan nga kabudlayan may yara gid sang bunga gani ginapanugyanan sini ang mga kapulisan nga himuon sang insakto ang trabaho agud nga mangin madinalag-on sa ila nga trabaho.
Sa pihak nga bahin, nakaplastar naman ang mga kapulisan sa paghatag sang assistance sa mga aktibidad sang Commission on Elections sa nagahilapit nga piniliay.
