Nanawagan ang Department of Agriculture Negros Island Region sa mga hog raiser nga sundon ang tanan nga protocol kag magkooperar sa Local Agriculture Office agud malikawan ang paglapta sang African Swine Fever (ASF).
Sa interview sang Bombo Radyo kay DA-NIR Director Jose Albert Barrogo, ginpahayag sini nga wala sang rason sa pagpa-untat sa pag-export sang baboy bangud santo sa Memorandum Circular No. 20 of 2026 mahimo sa gihapon ini kun nagasunod lang sa Pre-Status Certificate.
Suno kay Barrogo, diri nagakwa blood samples sang baboy kag kun negative wala ini sang problema nga i-export.
Pahayag sini, hapos lang kuntani ang pagtapna sang ASF kun ang tanan an nagasunod sa protocols kag ini ang paga-updan sang tanan indi lang sa Local Government Unit kasubong man sa mga Barangay.
Ini agud maproteksyunan man ang nagapang-abuso nga mga traders kun sa diin gulpi lang nagapasarurot sa presyo sang baboy.
Ginahingyo man ni Barrogo ang mga hog raiser nga kun makita nga may sintomas sang ASF ang ila baboy, gilayon nga ireport sa local agriculture office.
Pahayag sini nga nakahibalo siya sa ginabatyag sang mga hog raisers kag nagpasalig nga pagahimuon ang tanan agud nga mabuligan ang mga ini.
