Naghinay ang dalagan sang Tropical Storm ADA samtang ini ang yara sa Philippine Sea sa nasidlangan sang Eastern Visayas.
Madumduman nga ang Bagyo ang nagsanyog sa Tropical Storm category alas-5:00 kahapon sang hapon.
Ang sentro sang Bagyo ang ulihi nga nasiplatan sa 370 km sa nasidlangan sang Surigao City, Surigao del Norte ukon 430 km sa nasidlangan sang Maasin City, Southern Leyte.
Dala sini ang kabaskugon sang hangin nga nagadangat sa 65 km/h kag pagmadlos nga tubtob sa 80 km/h, samtang mahinay nga nagahulag padulong sa North Northwestward nga dereksyon.
Sa karun, napaidalom na sa Tropical Cyclone Wind SIGNAL NO. 1 ang pila ka mga lugar:
LUZON
-Eastern portion sang Camarines Norte
-Camarines Sur
-Catanduanes
-Albay
-Sorsogon, kag
-Eastern portion sang mainland Masbate kalakip ang Ticao kag Burias Islands
VISAYAS
-Northern Samar
-Samar
-Eastern Samar
-Biliran
-Northern kag central portions sang Leyte, kag
-Eastern portion sang Southern Leyte
MINDANAO
-Dinagat Islands
-Surigao del Norte, kag
-Surigao del Sur
Ang Bagyo ADA ang ginalauman nga magahulag generally sa naaminhan-nakatungdan nga dereksyon subong nga adlaw tubtob bwas antes amat-amat nga magaliko sa North Northeastward tubtob Northeastward nga dereksyon sa Domingo.
Sumugod sa Martes sang gab-i, ginalantaw nga ang Bagyo ADA ang magahulag naman padulong sa nabagatnan-nasidlangan samtang yara sa kadagatan sa nasidlangan sang Bicol Region.
Ang sentro sang Bagyo ang mahimo maglabay malapit sa Eastern Samar kag Northern Samar bwas kag sa Catanduanes sa Domingo.
Kung ini ang magaliko pa sa nakatungdan nga dereksyon, yara ang posibilidad nga ini ang magalandfall sa Eastern Visayas kag Bicol Region.
Ginalantaw nga magapabilin sa tropical storm category ang Bagyo samtang yara sa kadagatan sa nasidlangan sang Visayas kag Southern Luzon.
Samtang may posibilidad man nga ini ang magahuyang balik sa Tropical Depression sa Martes.
