Naggwa sa imbestigasyon sang kapulisan nga gikan sa Mindanao kag Luzon ang dalagko nga bulto sang shabu nga narecover sa mga drug buybust operation sa Negros Island Region kag ini ang ginpasabay lamang sa mga traders.
Madumduman nga dalagko nga balor sang shabu ang narecover sa Bacolod City sa sulod lamang sang isa ka semana.
Ini ang ginalakipan sang 4.2 kg sang shabu sa Barangay 31 nga nagabalor sang P28.5 million; nga nasundan sang 4.2 kg sang shabu sa Brgy 3, nga balor P14.2 million.
Sa interview sang Bombo Radyo Bacolod kay Police Brig Gen Romano Cardinio, acting Regional Director sang Police Regional Office – Negros Island Region, wala sila sang namonitor nga panibag-o nga drug group sa NIR luwas sa existing nga Virtuoso Drug Group.
Pasalig ni Cadinio nga kontrolado sang kapulisan ang sitwasyon.
Ginapaidalom gihapon sa custodial debriefing ang mga na-aresto.
Sa inisyal, sila ang nag-ako na nga gikan sa Luzon kag Mindanao ang ila mga supply kag ini ang ginapasabay lamang sa mga traders.
Ginpasanyog naman sang kapulisan ang pagbantay sa mga point of entry kag point of exit partikular na sa mga pantalan.
Ginatinguhaan nila nga ma-intercept ang mga kontrabando antes pa magdangat sa publiko.
