Ginbasura sang Pre-Trial Chamber I sang International Criminal Court (ICC) ang apelar sang defense team ni anay Presidente Rodrigo Duterte nga balistkaron ang desisyon nga idekalar nga “fit ini kag sarang nga makaatubang sa pre-trial proceedings.
Sa desisyon nga ginpagwa kahapon sang Biyernes, ginpahayag sang chamber nga ang argumento sang depensa nga posible maglala ang kahimtangan sang lawas sang anay Presidente samtang nagapadayon ang proseso sang kaso ang wala sang kamatuoran.
Ginpahayag man sang ICC nga ang ila nauna nga desisyon sang Enero 26, 2026 tuhoy sa iya kahimtangan sa lawas agud mag atubang sa pre-trial proceedings ang indi pa final.
Madumduman nga ginpahayag sang kampo ni Duterte nga indi makatarungan ang proseso kag ginapahayag nga ginpabay-an ang “objective facts” sang paghinay sang memorya sang anay Presidente.
Paandam pa sa depensa nga posible maapektuhan ang bug-os nga proseso kun padayonon ang hearing sa confirmation of charges samtang wala pa na-exercise ni Duterte ang iya katungdanan.
Samtang, kasunod sang desisyon sang ICC sa petisyon sang kampo ni Duterte, ginalantaw nga isa ini ka tikang agud mapadayon ang kaso kag ang gin-iskedyul nga confirmation of charges hearing nga nakatalana nga magasugod sa Pebrero 23.
