Madayon na ang deklarasyon sang National Food Emergency sa bugas sa una nga semana sang Pebrero sini nga tuig.
Kasunod ini sang pahayag sang Department of Trade and Industry (DTI) sa Kamara nga aprubado na kag masarangan na nga ipagwa sang National Price Coordinating Council (NPCC) sa sulod sang duha ka adlaw ang resolusyon para sa National Food Emergency.
Sa isa ka press conference, ginpahayag ni Department of Agriculture (DA) Spokesperson Assistant Secretary Arnel de Mesa nga sa tion nga makalab-ot na sa DA ang kopya sang resolusyon, review-hon lang ini sa sulod sang duha ka adlaw kag gilayon man nga ideklarar ang National Food Emergency.
Suno kay De Mesa, handa na ang National Food Authority (NFA) nga magpagwa sang stocks sang bugas.
Samtang ang mga local government units ang naga-finalize na sang ila tagsa ka mga guidelines para sa pagbaligya sang bugas.
Sa idalom sang food security emergency, hatagan sang pahanugot ang pagbaligya sang NFA rice stocks sa mga LGU.
Ginalauman naman nga magasugod ang pagbaligya sini sa publiko sa bulan sang Pebrero.
