BACOLOD CITY – Nagsaka ang numero sang kaso sang dengue sa ciudad sang Bacolod sa pareho nga period sang tuig 2016 kag sang sini nga tuig.
Suno kay Bacolod City Health Officer Dr. Grace Tan, humalin Enero 1 tubtob Mayo 20 sini nga tuig may yara na sang 305 cases sa Bacolod kun sa diin 5 ka biktima ang nagkalamatay.
Ini ang mas dako sa 156 ka kaso kag isa ka biktima ang napatay sa pareho nga period sang tuig 2016.
Ang lima nga nagkalamatay ang nagikan sa mga barangay sang Sum-ag, Handumanan, Singcang, Brgy. 14 kag Granada.
Samtang nalakip naman sa top 10 barangays nga may yara sang kaso sang Dengue ang mga barangay Handumanan, Mansilingan, Mandalagan, Granada, Alijis, Estefania, Villamonte, Sum-ag, Tangub kag Vista Alegre.
Sa karun todo nga naga-monitor ang City Health Office ilabi pa nga naga sulod na ang tig-ululan.
