-- ADVERTISEMENT --
Nagpasalig ang Department of Justice (DOJ) nga indi magdugay antes makabalik si expelled Negros Oriental 3rd District Congressman Arnolfo Teves Jr. sa Pilipinas.
Ini bangud indi man luyag sang gobyerno sang Timor-Leste nga magpabilin sang mas malawig si Teves sa ila pungsod.
Madumduman nga nagpalagyo si Teves sa Pilipinas sang tinalikdan nga tuig matapos siya ang ginatudlo nga mastermind sa pagpatay kay Negros Oriental Governor Roel Degamo, nga gintiro-patay sa isa ka compound sang Marso 2023.
Ginalauman naman sang Department of Justice nga magasugod ang mga operasyon sa extradition batok kay Teves sa masunod nga mga semana, pagkatapos sang pagbisita ni Pope Francis sa pungsod sa Southeast Asia.
