Nagapadayon ang pag-digitize sang Department of Social Welfare and Development (DSWD) sang ila systems kag mga programa para sa 2026 lakip na ang “automated Crisis Intervention Management System.”
Suno kay DSWD Spokesperson Assistant Secretary Irene Dumlao, ang bag-o nga system ang maga-feature sang real-time client-data monitoring nga sarang nga makatumod kun ang isa ka kliyente ang nakabatok na sang assistance nagikan sa mga nagkalain-lain nga opisina sang ahensya.
Katuyuan sini nga malikawan ang isyu sa duplikasyon.
Pahayag ni Dumlao nga ginaplano man nila ang pagpahanugot nga ipaagi sa e-wallets ang paghatag sang financial assistance.
Dugang pa niya nga ginakonsiderar man sang ahensya nga magpatigayon sang online interviews sa baylo nga maghiwat sang physical assessments para sa mga luyag magpangayo sang bulig.
