Ginadiskusyunan sa karun sang Department of Education kaupod ang Civil Service Commission kag Commission on Higher Education natuhoy sa pagpahagan-hagan sang requirements para sa paghire sang mga guidance counselors partikular na sa pagwaive sang isa ka master’s degree.
Suno kay Education Secretary Sonny Angara, ini ang makabig nga “temporary solution” agud ma-address ang shortage sang guidance counselors sa pungsod.
Suno diri, may kabudlayan sa karun ang DepEd sa pagpuno sang malapit 5,000 ka mga vacancies para sa position bangud sa requirement nga master’s degree.
Suno kay Angara, dapat indi gilayon nga i-require ang master’s degree kag hatagan sang lima ka adlaw nga grace period agud makakuha sang nagakaigo nga credentials.
Suno sa education secretary nga isa man ka anay mamalidha, dapat nga amendahan ang isa ka layi agud mahukas na ang mga requirements.
