Nagpromisa ang Department of Education nga magadeploy sang kapin 15,000 qualified teachers bilang principals subong nga tuig kag ginpahayag nga ang proseso sang paghire sang mga principals sa public schools ang ginareview man sa karun.
Ginstate sang DepEd ang report sang Second Congressional Commission on Education (EDCOM II), nga nagapakita sang 55 percent sang public schools sa pungsod nga naga-operate nga wala sang principals.
Nalakip sa mga factors diri ang ginalantaw nga manubo nga passing rates para sa National Qualifying Examination for School Heads, mataas nga turnover rate sang personnel, kakulang sang qualified candidates kag mabug-at nga qualification processes.
Suno sa DepEd, gilayon nila nga i-address ang ini nga mga issues kag 7,916 NQESH passers sang 2024 ang igadeploy agud pun-an ang vacant slots para sa principals.
