Ginkilala sang kampo ni Vice President Sara Duterte ang nangin desisyon sang Senado nga magsunod sa mando sang Korte Suprema nga ipaiway anay ang Articles of Impeachment.
Suno kay Atty. Michael Poa, tagpamaba sang bise-presidente, nakafocus sa karun ang ila atensyon sa pagsumite sang komento sa ginfile nga motion for reconsideration sang Kamara.
Madumduman sa ginpatigayon nga botohan sa Senado, may yara sang 19 ka mga Senador nga nagboto nga dapat ipaiway na anay ang impeachment samtang may yara sang apat nga nagkontra kag nag-abstain.
Una nga nagpagwa sang mando ang Korte Suprema sang Hulyo 25, 2025, nga ila ginabasura ang impeachment complaint batok kay Duterte bangud sa ginadumilian nga pagfile sini sang masobra sa isa sa sulod sang isa ka tuig.
