DILG, nagrequest na sang kanselasyon sang passport sang negosyante nga si Atong Ang

Nag-request na ang Department of the Interior and Local Government (DILG) sang cancellation sang passport sang gaming magnate nga si Charlie “Atong” Ang sa tunga sang arrest warrants batuk sa iya bangud sang kidnapping with homicide may kaangtanan sa nadula nga sabungeros.

Suno kay Interior Secretary Jonvic Remulla, kumpiyansa sila nga yara pa sa Pilipinas si Ang.

Si Ang nga ginkonsiderar nga pugante sa layi, ang wala pa nagpakita kasunod sang pag-issue sang arrest warrants.

Ginpahayag ni Remulla nga base sa immigration records, wala pa nakagwa sa Pilipinas ang negosyante.

Apang suno naman sa whistleblower nga si Julie “Dondon” Patidongan, nagapati siya nga nakabiya na si Ang sa pungsod.