Ginapahanumdom sang Diocese of Bacolod nga sa tigkalalag, dapat pagpangamuyo sa mga minatay gid ang magapanguna.
Sa interview sang Bombo Radyo Bacolod kay Fr. Dominic Derrama, JDC Judicial Vicar sang Diocese of Bacolod, ang simbahan ang may ara sang pilgrim church kag suffering church ukon ang mga yara sa purgatoryo.
Ang tigkalalag suno diri amo ang adlaw nga ginadumdom ang mga minatay bangod tanan ang naangot kag Kristo.
Ginapahanumdom man ni Fr. Derrama nga makakalibutan ukon worldly ang halloween celebration.
Suno sa pari, ang tinutuyo sang Halloween amo ang makadala sang kahadlok nga lain naman sa tinutuyo sang pagsaulog sang tigkalalag.
Ang tigkalalag ang tion man sa pagkonekta sang pamilya sa kada isa, kag nagakonekta sang buhi sa ila mga himata nga yara na sa pihak nga kinabuhi.
Pahanumdom ni Fr. Derrama nga sa All Saints kag All Souls Day, dapat nga manguna gid ang pagpangamuyo ukon misa para sa minatay kag ikaduha na lamang ang pagpadulong sa patyo.
Makabulig man sa pagkonekta sa mga minatay ang paghalad sang bulak kag kandila.
Apang pahanumdom man ni Fr. Derrama nga wala gina-abiso ang paghalad sang pagkaon bangod ini ang indi naman makaon sang patay kag subay lamang kag ilaga ang makabenepisyo.
