Ginreject sang Department of National Defense ang proposal sang Kingdom of Jesus Christ nga may tinutuyo sa pagtransfer sang lider sini nga si Pastor Apollo Quiboloy sa kustodiya sang Armed Forces of the Philippines.
Sa statement sang DND, ginpahayag sang ahensya nga pagapamatukan sini ang maskin ano nga motion nga itransfer si Quiboloy sa kustodiya sang AFP.
Suno diri, ang mga pasilidad sa AFP ang subject sa hugot nga operational security protocols gani ang AFP ang indi nagakaigo nga ahensya nga magkustodiya sang mga suspetsado sa mga kaso kriminal.
Una na nga ginpahayag ni KOJC chief legal counsel Israelito Torreon nga ang simbahan ang magarequest sang house arrest para kay Quiboloy ukon pagtransfer sa AFP custody matapos ang iya detention sa Philippine National Police (PNP) Custodial Center sa Camp Crame.
Si Quiboloy ang kilala sa iya pagpakigbato batok sa New People’s Army kag isa ka active supporter sang National Task Force to End Local Communist Armed Conflict (NTF-ELCAC).
