Ginpahayag sang Department of Energy (DOE) nga magpatigayon sang paghinun-anon kaupod ang mga key stakeholders sa sector sang offshore wind bilang kabahin sang preparasyon para sa ikalima nga round sang Green Energy Auction (GEA-5), nga ginlunsyar sang Hunyo 11, 2025.
Ang nasambit nga auction ang labing-una nga nakatutok lamang sa fixed-bottom offshore wind (OSW) technology.
Kalalip sa mga gin-imbetahan nga magapasakop amo ang mga developer sang OSW, industry associations, kag mga ahensya nga kaangay sang Energy Regulatory Commission, National Grid Corporation, Philippine Ports Authority, Department of Transportation, Department of Environment and Natural Resources, kag nagkalain nga talatapan sang DOE.
Suno kay DOE Undersecretary Rowena Cristina Guevara, importante ang paghinun-anon agud nga klaruhon ang mga prohibisyon sang draft Terms of Reference kag Notice of Auction, kalakip na ang mga technical issues, regulation kag infrastructure.
Tinutuyo sang DOE nga masiguro ang mayo kag nasanto sa koordinasyon ang auction process.
Nahibaluan nga ang dialogue ang natalana nga patigayunon sa Hunyo 30, 2025, kag ipatuman ang mga official invitation sa mga pili nga participants.
