-- ADVERTISEMENT --
Ginhangkat sang Department of Health ang mga magabiyahe nga magpabilin nga kalmado agud malikawan ang mga insidente sang road rage ukon away sa dalanon para sa long weekend sa karun nga Undas.
Ini ang ginpahanumdum ni Health Secretary Ted Herbosa kadungan sang ginpatigayon nga inspection sa emergency tents sa South Luzon Expressway (SLEX) bilang kabahin sang pagpreparar sang ahensya para sa pagdugok sang mga biyahero subong nga Undas.
Nagpahanumdum ang tiglikom nga kun nagadrive, lauman gid ang trapiko gani dapat indi magdali kag magtuon nga magpaubos sa dalan kasubong man nga maghatag sang road courtesy.
