-- ADVERTISEMENT --
Naghatag sang libre nga human immunodeficiency virus (HIV) testing, konsultasyon kag iban pa nga serbisyo ang Department of Health (DOH) sa ginpatigayon nga “Love Loud Love Safe: Pride Run 2025.”
Suno sa ahensya, nag-offer sila sang libre nga HIV testing kag konsultasyon, nagpanagtag sang libre nga condoms, lubricants, pre-exposure prophylaxis (PrEP) kag HIV self-testing kits, kag naghimo sang mga tikang agud mapasanyog ang information dissemination natuhoy sa nasambit nga balatian.
Kadungan sini, nagpanawagan ang DOH kay President Ferdinand Marcos Jr., nga ideklarar ang HIV bilang isa ka national public health emergency bangud sa madasig nga pagtaas sang mga bag-o nga kaso sa pungsod.
