Kapulisan nagpaandam sa mga couples nga likawan ang mga madulom nga lugar para sa safety

Nagpahanumdom ang Negros Occidental Police Provincial Office sa mga couple subong nga Valentine’s day nga likawan ang madulom nga mga lugar.

Sa interview sang Bombo Radyo kay NOCPPO spokesperson Police Captain Judesses Catalogo, mas maayo nga likawan ang madulom nga mga lugar kag indi magpalayo sa mga area nga may madamo sang tawo agud malikawan nga mabiktima sang pagpaghold up kag iban pa.

Suno diri, ang pagpakita sang pagpalangga dapat ginabutang sa insakto nga lugar agud indi mangin biktima sang krimen kag madamo man sang mga lugar para iselebrar ang Valentine’s nga safe.

Samtang, padayon naman ang monitoring sang kapulisan sa mga resorts kag iban pa nga areas nga masami ginalagawan.