DOJ, magapangayo sang bulig sa NBI sa pag-examine sang DNA samples sa mga nakita nga tul-an sa Taal Lake

Ginpahayag sang Department of Justice nga magapangayo ini sang bulig sa National Bureau of Investigation (NBI) sa pag-examine sang DNA samples agud matumod ang posible nga mga bangkay sang “missing sabungeros.”

Suno kay DOJ Secretary Jesus Crispin Remulla, pwede nila matawag ang NBI agud mangin witness kag makahatag sang ila evaluation.

Suno diri, kinahanglan nga magbinuligay nga indi nila luyag nga isa lamang ang nakahibalo.

Humalin sang nagsugod ang search sang Hulyo 10, nakarecover na ang Philippine Coast Guard sang pila ka mga sako, iban ang nagaunod sang tul-an sang tawo, sa Taal Lake, kun sa diin ang mga lawas sang missing sabungeros ang ginaalegar ginpangdump pagkatapos sang ila execution suno sa isa ka whistleblower.