Nasumiter na ang dokumento nga kinahanglan sang International Criminal Police Organization (Interpol) agud maka-issue sang red notice batok kay former Congressman Elizady “Zaldy” Co, suno kay Philippine Center on Transnational Crime (PCTC) executive director Maj. Gen. Romeo Prestoza.
Suno diri, napadal na nila ang mga dokumento sa Interpol secretariat kag ginpaathag sa Interpol nga dalagko nga kaso ukon krimen ang atubangon ni Co.
Suno sa interpol, ang red notice amo isa ka request sa law enforcement sa bug-os nga kalibutan agud temporaryo nga dakpon ang isa ka indibidwal nga wanted ukon ginapangita sang isa ka nagahingyo nga member country ukon isa ka international tribunal sa diin may pending nga extradition ukon pagsungka.
Apang ginklaro man sang Interpol nga indi ini international arrest warrant.
Madumduman nga nauna na nga ginkumpirmar ni DOJ Secretary Frederick Vida nga si Co ang wala na sa kustodiya sang mga otoridad sang Czech kag yara na sa sulod sang “Schengen Area.”
