Ginklaro sang Ministry of Justice sang Czech Republic nga wala sang extradition proceedings batok kay former Ako Bicol party-list Representative Elizaldy “Zaldy” Co.
Sa pagsinapol nga ginhiwat sang Abril 27 sa Prague, Czech Republic, kaupod ang delegasyon sang Pilipinas nga ginapangunahan ni Acting Justice Secretary Fredderick Vida, ginpahayag sang bahin sang Czech nga wala pa sila nakabaton ukon nakapasaka sang anuman nga pormal nga kaso sang extradition batuk sa sin-o man nga Filipino citizen.
Apang, nag-ugyon ang duha ka bahin nga tun-an ang posibilidad nga maghimo sang bilateral treaty para sa mas maayo nga police cooperation sa tunga sang Pilipinas kag Czech Republic.
Sa bahin sang Pilipinas, padayon ang operasyon sang mga otoridad sa pagpangita kay Co angot sa mga kaso sang graft kag malversation may kaangtanan sa ginaalegar anomaliya sa flood control projects sa pungsod.
Samtang, ginpahayag sang Philippine Center on Transnational Crime (PCTC) nga padayon ang ila koordinasyon sa mga international counterparts kag ginatun-an ang posible nga request para sa Interpol red notice agud ma-track kag madakpan ang pugante nga si Co.
