BACOLOD CITY — Isa man ka dolphin ang gindugukan sang mga tawo matapos nga napadpad sa baybayon nga sakop sang banwa sang EB Magalona, Miyerkules sang aga.
Suno kay Police Senior Inspector Bonifacio Aral, hepe sang EB Magalona Municipal Police Station, nakit-an sang mga mangingisda ang dolphin sa Barangay Gahit sa nasambit nga banwa kag nagapakadto sa higad sang baybayon.
Ini ang ginabanta nga nagabug-at sang 200 kilos.
May pilas sa guya ang dolphin apang suno kay Aral, mapagsik pa man ini.
Gilayon naman nga nagresponde ang mga miyembro sang Bantay Dagat sang EB Magalona kag gin-alalayan nga makabalik sa tunga sang dagat ang dolphin.
Suno pa sa hepe, wala sang sin-o man nga nagtilaw nga dakpon kag himuan sang malain ang dolphin bangud nakahibalo naman sila nga ini ang iligal.
