DPWH, ginmanduan sang Presidente nga gilayon respondihan ang kakulang sang buluthan

Ginmanduan ni President Ferdinand Marcos Jr. ang Department of Public Works and Highways nga gilayon nga respondehan ang kakulang sang mga buluthuan sa bilog nga pungsod matapos nagwa nga 22 lamang ka classrooms ang napatukod sang ahensya subong nga tuig.

Suno kay Palace Press Officer Claire Castro, ginapaimbestigahan na sang Presidente ang rason sang pagkadelay sang mga proyekto samtang ginmanduan sini si DPWH Secretary Vince Dizon nga magpatigayon sang catch up plan agud mapadasig ang pagpatukod sang mga buluthuan.

Nalakip man sa mangin tikang sang administrasyon ang pagpakig-angot sa mga local government units agud mapadasig ang proseso sang construction.